ഷാഹിദ് മുവാറ്റുപുഴ
സ്ത്രീയുടെ മുഖം മറക്കൽ നിർബന്ധമാണെന്ന് ചിലർ വാതിക്കരുണ്ട് . അതിന് അവർ ഉദ്ധരിക്കുന്ന പ്രമാണം സുറ അഹ്സാബിലെ 59 ആയതാണ് .
يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا
“നബിയേ, നിന്റെ പത്നിമാരോടും പുത്രിമാരോടും സത്യവിശ്വാസികളുടെ സ്ത്രീകളോടും അവര് തങ്ങളുടെ മൂടുപടങ്ങള്‍ തങ്ങളുടെമേല്‍ താഴ്ത്തിയിടാന്‍ പറയുക: അവര് തിരിച്ചറിയപ്പെടുവാനും, അങ്ങനെ അവര് ശല്യം ചെയ്യപ്പെടാതിരിക്കുവാനും അതാണ്‌ ഏറ്റവും അനുയോജ്യമായത്‌. അല്ലാഹു ഏറെ പൊറുക്കുന്നവനും കരുണാനിധിയുമാകുന്നു” [അഹ്സാബ് 59]
കൂടാതെ സുറ നൂറിലെ ആയതും
وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِ
“സത്യവിശ്വാസിനികളോടും അവരുടെ ദൃഷ്ടികള്‍ താഴ്ത്തുവാനും അവരുടെ ഗുഹ്യാവയവങ്ങള്‍ കാത്തുസൂക്ഷിക്കുവാനും, അവരുടെ ഭംഗിയില്‍ നിന്ന് പ്രത്യക്ഷമായതൊഴിച്ച്‌ മറ്റൊന്നും വെളിപ്പെടുത്താതിരിക്കുവാനും നീ പറയുക. അവരുടെ മക്കനകള്‍ കുപ്പായമാറുകള്‍ക്ക്‌ മീതെ അവര് താഴ്ത്തിയിട്ടുകൊള്ളട്ടെ”
[നൂര്‍ 31]
ഈ ആയതുകളിൽ വന്ന جَلَابِيبِهِنّ َ ഈ പദത്തെ വ്യാക്യാനിച്ചാണ് മുഖം മറക്കാൻ തെളിവുണ്ടാക്കുന്നത് . യഥാർത്ഥത്തിൽ ഈ പദത്തിന് ആഅർത്ഥമല്ല ഉള്ളത് .
ഇമാം റാഗിബ് ;ഖിമാർ എന്ന് പറഞ്ഞാൽ വളരെ ലൂസായ ശരീരം മൊത്തം മറയുന്ന വസ്ത്രം, ജയുബ് എന്ന് പറഞ്ഞാൽ സ്ത്രീകൾ തല മറക്കാന് ഉപയോഗിക്കുന്ന വസ്ത്രമാണ് മുന് വശം തുറക്കപെട്ട [മുഖം കാണാവുന്ന ] മക്കനയാണ് .. [മുഫ്രദാത് ]
ഇബ്ന് മസ് ഊദ് [റ ] പറയുന്നു ; തല മറക്കാനുള്ള വസ്ത്രമാണ് ജില് ബാബു . ഇതു തന്നെയാണ് മിക്കവരുടെയും അഭിപ്രായം .
. والجلباب هو : الرداء فوق الخمار . قاله ابن مسعود ، وعبيدة ، وقتادة ، والحسن البصري ، وسعيد بن جبير ، وإبراهيم النخعي ، وعطاء الخراساني ، وغير واحد . وهو بمنزلة الإزار اليوم . [تفسير ابن كثير]
ഇബ്ൻ മസ്ഊദ് [റ ]പറയുന്നു ; ജിൽബാബു എന്നാൽ അത് ഖിമാറാണ് .ഖതാദ ,ഹസൻ ബസരി ,ഇബ്രാഹിം നകഈ, സൈദ്‌ ഇബ്ൻ ജുബൈർ ഇവരുടെ എല്ലാം അഭിപ്രായവും ഇതുതന്നെ
[തഫസിർ ഇബ്ന് കസീർ ],(തഫ്‌സീര്‍ ഖുര്‍തുബി 14:217).
അപ്പോള് ഈ അയതുകളിൽ മുഖം മറകാനുള്ള തെളിവല്ല . ഈ ആയത് പഠിച്ച സഹാബികളും അതിനെ അങ്ങനെയല്ല മനസ്സിലകിയത് കാരണം മുഖം മറകണമെന്നു അവർ മനസ്സിലകിയെ ങ്കിൽ ഒരിക്കലും അവർ അതിനെ ധിക്കരികില്ലായിരുനു . അവർ മുഖം മറക്കൽ നിര്ബധമായി കണ്ടിരുനില്ല എന്നാണ് ഹദീസുകളിൽ നിന്നും നമുക്ക് മനസ്സിലാകുന്നത്‌ .ഇനി ഹദീസുകൾ പരിശോദികുക അപ്പോൾ ധാരാളം ഹദീസുകൾ നമുക്ക് കാണാനാകും സഹാബി വനിതകൾ മുഖം മറചിരുന്നില്ല എന്നതിന് .
“നബി [സ ] ഈദ് ഖുത്തുബ കഴിഞ്ഞ് സ്ത്രീകളുടെ അടുക്കൽ ഉപദേശം നൽകുകയായിരുന്നു അപ്പോൾ മുഖത്ത് കറുത്ത പാടുള്ള ഒരു സ്ത്രീ എണീറ്റ്‌ നിന്ന് നബിയോട് ചോദിച്ചു .." [മുസ്ലിം 885]
ഇവിടെ മുഖം മറചിട്ടില്ല എന്ന് വ്യക്തം .
സഹൽ [റ ] പറയുന്നു: ”ഒരിക്കല്‍ ഒരു സ്ത്രീ വന്ന് തന്നെ വിവാഹം കഴിക്കണമെന്ന് നബി(സ)യോട് ആവശ്യപ്പെട്ടു. നബി(സ) തന്റെ ശിരസ്സ് ഉയര്‍ത്തി അവളിലേക്ക് നോക്കി. ശരിയായി നോക്കി. ശേഷം തല താഴ്ത്തിയിരുന്നു. നബി(സ) തന്റെ പ്രശ്‌നത്തില്‍ ഒന്നും മറുപടി പറയാതിരുന്നത് കണ്ടപ്പോള്‍ അവള്‍ അവിടെ ഇരുന്നു. അപ്പോള് ഒരാള്‍ പറഞ്ഞു: പ്രവാചകരേ, അവളെ എനിക്ക് വിവാഹം കഴിപ്പിച്ചു തന്നാലും” (ബുഖാരി 5132)
അന്യ പുരുഷന് മാർ ഇരിക്കുന്ന ആ സദസ്സിലാണ് ആ സ്ത്രീ മുഖം മറകാതെ വന്നത് . മുകളിലെ ആയത് മുഖം മറകാനെന്നു അവരാരും മനസ്സിലകിയില്ല എന്ന് വ്യക്തമാണ് .
അനസ്(റ) പറയുന്നു: ”നബി(സ) പള്ളിയില്‍ ഖിബ്‌ലയുടെ നേരെ കഫം കണ്ടു. അവിടുന്നു കോപിക്കുകയും മുഖം ചുവക്കുകയും ചെയ്തു. അപ്പോള് അന്‍സ്വാറുകളില്‍ പെട്ട ഒരു സ്ത്രീ വന്നു അതു തുടച്ചു.” (ഇബ്‌നുമാജ). സ്ത്രീകള്‍ മുഖം മറയ്ക്കുന്ന പര്‍ദയാണ് നബി(സ)യുടെ കാലത്തു ധരിച്ചിരുന്നതെങ്കില്‍ അനസിന്(റ) ഈ സ്ത്രീ അന്‍സ്വാറുകളില്‍ പെട്ടവളാണെന്ന് തിരിച്ചറിയാന്‍ കഴിയുമായിരുന്നോ?
ജാബിര്‍(റ) പറയുന്നു: ”എന്റെ പിതാവ് വധിക്കപ്പെട്ടപ്പോള്‍ അദ്ദേഹത്തിന്റെ ശരീരം കൊണ്ടുവരപ്പെട്ടു. മയ്യിത്തിനെ ഉയര്‍ത്തിയപ്പോള്‍ കരയുന്ന സ്ത്രീയുടെ ശബ്ദം നബി(സ) കേട്ടു. അവിടുന്ന് ചോദിച്ചു: ഇവള്‍ ആരാണ്? സ്വഹാബികള്‍ പറഞ്ഞു: അംറിന്റെ സഹോദരിയാണ്. അവിടുന്ന് പറഞ്ഞു: നീ കരയരുത്.” (അന്നസ്സാഈ 1843)
ആ സ്ത്രീ മുഖം മറചിരുന്നെങ്കിൽ സഹാബികല്ക് അവരെ തിരിച്ചറിയാൻ പറ്റില്ലായിരുന്നു.
അബൂഹുറയ്‌റ(റ) പറയുന്നു: ”കറുത്ത നിറമുള്ള ഒരു സ്ത്രീ നിത്യവും പള്ളി വൃത്തിയാക്കാറുണ്ടായിരുന്നു. ഒരിക്കല്‍ നബി(സ) അവളെ കണ്ടില്ല. അവളെക്കുറിച്ച് അവിടുന്ന് അന്വേഷിച്ചു. അവര് മരണപ്പെട്ടുവെന്ന് സ്വഹാബിമാര്‍ പറഞ്ഞു. (മുസ്ലിം, ബൈഹക്കി 2/440).
ഇവിടെയും വ്യക്തമാണ് ആ സ്ത്രീ മുഖം മറചിരുന്നില്ല .
ഇബ്ന് അബ്ബാസ് [റ ] പറയുന്നു ; ' ജനങ്ങളിൽ വളരെയധികം സുന്ദരിയായ ഒരു സ്ത്രീ നബി [സ ] യുടെ പിന്നിൽ നിന്ന് നമസ്കരിക്കാരുണ്ടായിരുന്നു . ഈ സ്ത്രീയെ കാണാതിരിക്കാൻ വെണ്ടി ചിലര് ആദ്യത്തെ വരിയിൽ നില്കും " [നാസ യീ , ഇബ്ൻ മാജ , തിർമിദി ]
ഇതിനു വിശദീകരണം തന്നെ വേണ്ടാത്ത വിധം വ്യക്തം . ഇതിൽ മറ്റൊരു തെളിവ് കൂടിയുണ്ട് , സ്ത്രീകള്ക് പള്ളിയിൽ ജമാ അതിനു പോകാം എന്ന് . ആളുകള് അവളെ നോക്കുനുണ്ടായിരുന്നു . എന്നിട്ടും സ്ത്രീകളെ റസൂൽ പള്ളിയിൽ നിന്നും തടഞ്ഞില്ല .
മുഖം മറക്കൽ നിര്ബന്ധമാണ് എന്ന് വാദികുന്നവർ ഈ ഹദീസുകൾ കാണുമ്പൊൾ പറയുന്ന ന്യായം ഇതെല്ലാം ഹിജാബിന്റെ ആയത് അവതരികും മുന്പാനെന്നാ ണ് . ഒരാടിസ്ഥാനമില്ലാത്ത വാദമാണിത് . കാരണം ഹിജാബിന്റെ ആയതിനു ശേഷവും സ്ത്രീകൾ മുഖം മറചിരുന്നില്ല .
സുബൈഅത്ത്(റ) പറയുന്നു: ”അവള്‍ സഅ്ദിന്റെ ഭാര്യയായിരുന്നു. ഹജ്ജത്തുല്‍ വദാഇന്റെ സന്ദര്‍ഭത്തില്‍ അവളുടെ ഭര്‍ത്താവ് മരണപ്പെട്ടു. നാലു മാസവും പത്തു ദിവസവും ആകുന്നതിന്റെ മുമ്പു തന്നെ അവള്‍ പ്രസവിച്ചു. അപ്പോള് അബുസ്സനാബില്‍ (അബൂദാര്‍ കുടുംബത്തിലെ ഒരു പുരുഷന്) അവളെ കണ്ടുമുട്ടി. അവളുടെ പ്രസവരക്തം അവസാനിച്ച് ശുദ്ധിയായിരുന്നില്ല. അവള്‍ തീര്ച്ചയായും സുറുമ ഇട്ടിരുന്നു. അബുസ്സനാബില്‍ അവളോട് പറഞ്ഞു: നീ പുനര്‍വിവാഹത്തിന് ഉദ്ദേശിക്കുന്നുവോ? അവള്‍ പറഞ്ഞു: നാല് മാസവും പത്ത് ദിവസവും അവസാനിക്കണം. ഞാന് നബി(സ)യുടെ അടുത്തുചെന്ന് അബൂസ്സനാബില്‍ പറഞ്ഞതു നബിയോടു പറഞ്ഞു. നബി(സ) അരുളി: നീ പ്രസവിച്ചപ്പോള്‍ നിന്റെ ഇദ്ദയുടെ അവധി അവസാനിച്ചിട്ടുണ്ട് (മുസ്ലിം 1484).
ഈ സംഭവം നടന്നത് ഹജ്ജത്തുൽ വദാഇനാണ് . അഥവാ ഹിജാബിന്റെ ആയതിന് ശേഷം . അപ്പോള് സഹാബി വനിതകൾ മുഖം മറകാതിരുന്നത് ഹിജാബിന്റെ ആയതിന് മുൻപാണെന്ന വാദവും ഇവിടെ പൊളിയുന്നു.
അനസ് [റ ]പറയുന്നു : ഹുനൈൻ യുദ്ധ ദിവസം വലിയ ഒരു കടാ രയുമായി ഉമ്മു സുലൈം നിൽകുന്നത് അബു തൽഹാ [റ ] കണ്ടു . അദ്ദേഹം പറഞ്ഞു നബിയെ , ഉമ്മുസുലൈം ഇതാ ഒരു കടാ രയുമായി നില്കുന്നു . നബി [സ ] അവളോട് ചോദിച്ചു :'എന്തിനാണിത് ? അവർ പറഞ്ഞു ; ' മുശ്രിക്കുകളിൽ നിന്നും എന്നെ ആരെങ്കിലും സമീപിച്ചാൽ അവരുടെ വയർ ഞാൻ ഇതുകൊണ്ട് കുത്തികീറും .അപ്പോൾ നബി [സ ] പുഞ്ചിരിച്ചു . "
[മുസ്ലിം 1809 ]
ഹിജാബിന്റെ ആയത് ഇറങ്ങിയിട്ട് 6 വര്ഷം കഴിഞ്ഞു നടന്നതാണ് ഹുനൈൻ യുദ്ധം . അതും മക്കം ഫതഹിനു ശേഷം .അപ്പോളും സഹാബ വനിതകൾ മുഖം മറചിരുനില്ല . കാരണം മേൽ പറഞ്ഞ ആയതുകളെ അവർ മുഖം മറകാനയിട്ടല്ല മനസ്സിലകിയത് എന്ന് വ്യക്തം .
ഇനി റസൂലുള്ള [സ ] സ്ത്രീകളുടെ വസ്ത്ര ധാരണത്തെ കുറിച്ചും ഔറത്തിനെ കുറിച്ചും എന്താണ് പറഞ്ഞത് ?
``ആഇശ(റ) ഉദ്ധരിക്കുന്നു: അബൂബക്കറിന്റെ(റ) പുത്രി അസ്‌മാഅ്‌ ഒരു നേര്‍ത്ത വസ്‌ത്രമണിഞ്ഞുകൊണ്ട്‌ നബി(സ)യുടെ അടുക്കലെത്തി. നബി(സ) അവളില്‍ നിന്നും തിരിഞ്ഞുനിന്ന്‌ ഇപ്രകാരം പറഞ്ഞു: ഹേ, അസ്മാ, പെണ്ണിന്‌ പ്രായപൂര്‍ത്തി എത്തിക്കഴിഞ്ഞാല്‍, ഈ ഭാഗങ്ങളല്ലാതെ (നബി(സ) തന്റെ മുഖത്തേക്കും മുന്‍കൈകളിലേക്കും ചൂണ്ടിക്കൊണ്ട്‌) അവളില്‍ നിന്നും പുറത്തുകാണാന്‍ പാടില്ല.'' (അബൂദാവൂദ്‌) ഈ ഹദീസ് മുര്സലായിട്ടു കൂടി ഇബ്ണ്‍ കസീരും ഖുര്തൂബിയും അനഗീകരികുന്നു . ഖുര്‍ത്വുബി പറയുന്നു: ``പെണ്ണിന്‌ മുഖവും മുന്‍കൈകളും പുറത്തുകാണിക്കാം എന്നതിന് ഈ ഹദീസ് തെളിവാണ്‌.'' (അല്‍ജാമിഉ ലിഅഹ്‌കാമില്‍ ഖുര്‍ആന്‍, നൂര്‍ 31)
ഖുർആൻ എന്താണ് പറഞ്ഞത് ?
“അവരുടെ ഭംഗിയില്‍ നിന്ന് പ്രത്യക്ഷമായതൊഴിച്ച്‌ മറ്റൊന്നും വെളിപ്പെടുത്താതിരിക്കുവാനും നീ പറയുക. അവരുടെ മക്കനകള്‍ കുപ്പായമാറുകള്‍ക്ക്‌ മീതെ അവര് താഴ്ത്തിയിട്ടുകൊള്ളട്ടെ”
[നൂര്‍ 31]
عن ابن عباس : ( ولا يبدين زينتهن إلا ما ظهر منها ) قال : الكحل والخاتم .
അവരുടെ ഭംഗിയില്‍ നിന്ന് പ്രത്യക്ഷമായതൊഴിച്ച്‌ മറ്റൊന്നും വെളിപ്പെടുത്താതിരിക്കുവാനും നീ പറയുക
ഇബ്ൻ അബ്ബാസ് [ റ ] പറയുന്നു : പ്രത്യക്ഷമായതൊഴിച്ച്‌ എന്ന് പറഞ്ഞാൽ അത് സ്ട്രീകളുടെ സുറുമ , മോതിരം ആണ് .
عن الضحاك ، عن [ ص: 157 ] ابن عباس ، قال : الظاهر منها : الكحل والخدان .
ഇബ്ൻ അബ്ബാസ് [ റ ] പറയുന്നു : പ്രത്യക്ഷമായതൊഴിച്ച്‌ എന്ന് പറഞ്ഞാൽ അത് സുറുമയും ഇരു കവിളുകളുമാണ്
عن سعيد بن جبير ، في قوله : ( ولا يبدين زينتهن إلا ما ظهر منها ) قال : الوجه والكف .
സഈദിബ്‌നു ജുബൈർ [റ ] പറയുന്നു :പ്രത്യക്ഷമായതൊഴിച്ച്‌ എന്ന് പറഞ്ഞാൽ അത് മുഖവും കൈപ്പടവുമാണ് .
عن عطاء في قول الله ( ولا يبدين زينتهن إلا ما ظهر منها ) قال : الكفان والوجه .
അത്വാഅͧ [ റ ] പറയുന്നു : പ്രത്യക്ഷമായതൊഴിച്ച്‌ എന്ന് പറഞ്ഞാൽ അത് മുഖവും കൈപ്പടവുമാണ് .
، عن ابن عباس ، قوله : ( ولا يبدين زينتهن إلا ما ظهر منها ) قال : والزينة الظاهرة : الوجه ، وكحل العين ، وخضاب الكف ، والخاتم ، فهذه تظهر في بيتها لمن دخل من الناس عليها
ഇബ്ൻ അബ്ബാസ് [ റ ] പറയുന്നു : പ്രത്യക്ഷമായതൊഴിച്ച്‌ എന്ന് പറഞ്ഞാൽ മുഖം , കണ്ണിനു സുറുമയിട്ടത് , മൈലാഞ്ചിയിട്ട കൈപ്പടം ,മോതിരം എന്നിവയാണ് . വീട്ടിൽ വരുന്ന ആളുകൾക്കു മുന്നിൽ ഏത് വെളിവാക്കൽ അനുവദനീയമാണ് .
[തഫ്‌സീർ തബരി ]
``ഇബ്‌നുഅബ്ബാസ്‌(റ) പറഞ്ഞ; ഈ ആയത്തില്‍, അവള്‍ക്ക്‌ വെളിപ്പെടുത്താവുന്ന ഭാഗങ്ങള്‍ അവളുടെ മുഖവും കൈകളുമാണ്‌”
[തഫസിർ ഇബ്ന് കസീർ ],
ഇമാം നവവി പറയുന്നു: ``ഇബ്‌നുഅബ്ബാസ്‌(റ) പറഞ്ഞതുപോലെ ഈ ആയത്തില്‍, അവള്‍ക്ക്‌ വെളിപ്പെടുത്താവുന്ന ഭാഗങ്ങള്‍ അവളുടെ മുഖവും കൈകളുമാണ്‌. അദ്ദേഹം ഇപ്രകാരം പറയുകയും ചെയ്തു: മുഖവും മുന്‍കൈകളും ഔറത്തായിരുന്നെങ്കില്‍ ഹജ്ജിന്റെ ഇഹ്‌റാമിന്റെ സന്ദര്‍ഭത്തില്‍ ഒരിക്കലും നബി(സ) അവ വെളിപ്പെടുത്താന്‍ കല്‌പിക്കുമായിരുന്നില്ല.'' (ശറഹുല്‍ മുഹദ്ദബ്‌ 3:167).
ഇബ്ണ്‍ അബ്ബാസ് [ റ ] നിവേദനം : ഈദ് ഉൽ അദ്ഹാ ദിനം ഫദൽ ഇബ്ൻ അബ്ബാസ് നബിയുടെ പുറകിൽ ഇരുന്നു ഒട്ടക സവാരി ചെയുകയായിരുന്നു . അപ്പോൾ ഒരു സുന്ദരിയായ കത്ത് ആം ഗോത്രക്കാരി നബിയോട് വിധി ചോദിക്കാൻ വന്നു . ഫദ് ൽ ഇബ്ണ്‍ അബ്ബാസും സുന്ദരനായിരുന്നു . അവളെ അദ്ധേഹത്തിനു വല്ലാതെ ആകർഷിച്ചു . അങ്ങനെ അവളെ അദ്ദേഹം നോക്കി നിന്നു . അപ്പോൾ നബി [സ ] അദ്ധേഹത്തെ നബിയുടെ പുറകിലേക്ക് മാറ്റി . അപ്പോൾ അവൾ ചോദിച്ചു " പ്രവാചകരെ അള്ളാഹു വിശ്വസികല്ക് ഹജ്ജ് നിർബന്ധമാക്കിയിരികുന്നു . എന്റെ പിതാവ് വൃധനാണ് അദ്ദേഹത്തിന് വേണ്ടി എനിക്ക് ഹജ്ജ് നിർവഹിക്കാൻ പറ്റുമോ ? നബി [സ ] പറഞ്ഞു :'അതെ " [ ബുഹാരി 6228 ]
ഈ സംഭവം ഹജ്ജത്തുൽ വാദാ ഹിലാണ് . അപ്പോൾ ഹിജാബിന്റെ ആയതിനു ശേഷവും സ്ത്രീകൾ മുഖം മറചിരുന്നില്ല എന്ന് പൂര്ണമായും വ്യക്തം . ഈ ഹദീസിനെ വിവരിച്ചു ഇമാം ഇബ്ണ്‍ ഹജർ [റ ഹ് ] സ്ത്രീകള്ക് മുഖം മറക്കൽ നിര്ബന്ധമില്ല എന്ന് പ്രഖ്യാപികുന്നു .
وفيه دليل على أن نساء المؤمنين ليس عليهن من الحجاب ما يلزم أزواج النبي - صلى الله عليه وسلم - إذ لو لزم ذلك جميع النساء لأمر النبي - صلى الله عليه وسلم - الخثعمية بالاستتار ولما صرف وجه الفضل قال وفيه دليل على أن ستر المرأة وجهها ليس فرضا لإجماعهم على أنللمرأة أن تبدي وجهها في الصلاة ولو رآه الغرباء ، وأن قوله
قل للمؤمنين يغضوا من أبصارهم على الوجوب في غير الوجه
[فتح الباري شرح صحيح البخاري ]
ഇബ്‌നുഹജറുല്‍ അസ്‌ഖലാനി പറയുന്നു: മുസ്ലിം ലോകത്തിന്റെ ഐകകണ്‌ഠ്യമായ തീരുമാനപ്രകാരം പെണ്ണ്‌ മുഖം മറയ്‌ക്കല്‍ നിര്‍ബന്ധമില്ലെന്ന്‌ ഹദീസില്‍ തെളിവുണ്ട്‌. കാരണം അന്യപുരുഷന്മാര്‍ കണ്ടാല്‍ പോലും ശരി, സ്‌ത്രീക്ക്‌ നമസ്‌കാര സന്ദര്‍ഭത്തില്‍ മുഖം വെളിവാക്കാവുന്നതാണ്‌.'' (ഫത്‌ഹുല്‍ബാരി 14:161)
അപ്പോൾ സ്ത്രീകൾ മുഖം മറക്കൽ നിര്ബന്ധമില്ല എന്നും അവൾ ഖിമാരും[ശരീരം മൊത്തം മറകുന്ന ലൂസായ വസ്ത്രം ], ജില് ബാബുമാണ് [ തലയും മാറിടവും കഴുത്തും മറകുന്ന മക്കന ] ധരികെണ്ടാതെന്നും പ്രമാണ ങ്ങളുടെ വെളിച്ചത്തിൽ വ്യക്തമാണ് .
എന്നാൽ സ്ത്രീയുടെ ഔറ ത്തുകൾ മറക്കാതത് ഇസ്ലാം വിരോധികുന്നു .
നബി [സ ] പറഞ്ഞു "ചില സ്ത്രീകൾ വസ്ത്രം ദാരിചിട്ടുണ്ടെങ്കിലും നഗ്നകലാണ് .അവർ തിന്മയിലെകാണ് നയികുക . അവരുടെ മുടി ഒട്ടകത്തിന്റെ പൂഞ്ചി പോലെ യിരികും , അവർ നരകതിലാണ് . സ്വര്ഗത്തിന്റെ വാസനപോലും ദൂരതുനിന്നുപോലും അവര്ക് ലഭികില്ല " [മുസ്ലിം ]
ഇന്ന് നാം കാണുന്ന ആഭാസകരമായ വസ്ത്ര ധാരണം ഇസ്ലാം എതിര്കുന്നു . അത് സാമൂഹിക വ്യവസ്ഥയെയും സംസ്കാരത്തെയും, നശിപികുന്നതാണ് . ഇസ്ലാം സ്ത്രീയുടെ സുരക്ഷക്കും സംരക്ഷണത്തിനും വേണ്ടിയാണ് മാന്യമായ വസ്ത്രം ധരിക്കാൻ കല്പിച്ചത് , അത് അടിമത്തമല്ല നിര്ഭായത്വമാണ് സാമൂഹ്യ ദ്രോഹികളിൽ നിന്നും മറ്റു അധര്മ്മ കാരികളിൽ നിന്നും .