സ്വഹീഹ് ഹദീസ് [ സ്വീകാര്യ ഹദീസ് ]
സ്വഹീഹ്
ഹദീസിന്റെ മാനദണ്ഡം
1-സനദിലെ എല്ലാ നിവേദക രും ആദിൽ
ആയിരികണം ;
സത്യസന്ധനും ,മഹാ പാപങ്ങളിൽ നിന്നും വിട്ടുനിക്കുന്നവനും.വിമര്ശന വിധേയനകതവനുംആകുക.
2-സനദിലെ എല്ലാ നിവേദകരും ഓർമ്മ ശക്തി ഉള്ളവരും സനദ് കൃത്യമായി ഓർമ്മയുള്ളവരും
ആകണം ;
ഓർമ്മ ശക്തി ഉള്ള വനയിരിക്കണം എന്നാൽ അയാൾ ഹദീസ് ഓർമ്മയുടെ അടിസ്ഥാനത്തിൽ മാത്രം ഉദ്ധരി കുന്നവനെങ്കിൽ മന പ്പാട മാക്കി വെച്ചിടുണ്ടാകണം
എന്നര്ഥം . അല്ലെങ്കിൽ അയാൾ കിത്താബിൽ എഴുതിവെക്കുന്നവനായിരിക്കണം . എന്നിട്ട് അതിൽ
നിന്നും ഉദ്ധരിക്ക ണം.
3-സനദ് മുത്തസ്സിൽ ആകണം ;
അഥവ ഹദീസ് ഉദ്ധരി കുന്ന മുഹദ്ധിസ്
മുതൽ നബി [സ ] വരെ ഇടക്ക് കണ്ണി മുറിയാത്തതായിരിക്കണം
. റാവികൾ സനദ് കൃത്യമായി ഓർമ്മയുള്ളവരായിരിക്കണം . കണ്ണി മുറിഞ്ഞാൽ അത് ഹദീസിന്റെ സിഹ്ഹതിനെ
[ആധികാരികതയെ ] ബാധിക്കും .
4-ഹദീസ് മുഅല്ലൽ ആകരുത് ;
ഒളിഞ്ഞിരിക്കുന്ന ന്യൂനതിയിൽ നിന്നും സനദ് , മത് ന് എന്നിവ
മുക്തമായിരിക്കണം
5-ഹദീസ് ശാധു ആകരുത് ;
കൂടുതൽ പ്രാമാണികരായ നിവേദകർ ഉദ്ധരിച്ചതിൽ
നിന്നും വിരുദ്ധമായി ഉള്ള ഹദീസ് ആകരുത്
എന്നർത്ഥം. ഈ നിയമങ്ങളിൽ ഒന്നിലേതെങ്കിലും പൂർത്തിയാകദി വന്നാൽ അതിനെ ദഈഫ് ഹദീസ് എന്ന് പറയും.
[നക്ബത്തുൽ ഫിക്കർ]
സ്വീകാര്യമായ ഹദീസിനെ നാലായി തിരിക്കാം ; സ്വഹീഹ് ലി ദാത്തിഹി , സ്വഹീഹ് ലി ഗൈരിഹി , ഹസൻ ലി ദാത്തിഹി,
ഹസൻ ലി ഗൈരിഹി. ദുർബലതയുടെ സ്വഭാവം പരിഗണിച്ചു
ദുർബല ഹദീസുകളെ പതിനാറ് വിഭാഗങ്ങളായി
തരം തിരിച്ചിട്ടുണ്ട് .
മുഅലഖ്‌ , മുർസൽ , മുൻഖത്തിഉ
, മുഅദൽ , മുദല്ലസ് , മുർസലുൽ ഖാഫിയ്യു , മൗദൂആ , മത് റൂക്ക് , മുൻക്കർ , മുഅല്ലൽ
, മുദ്‌റജ് , മഖ്‌ലൂബ് , അൽ മസീദ് ഫീ മുത്വസിൽ
അസാനിദ് , മുദ്‌ ത്വരിബ് , മുസ് ഹ്ഹഫ് , ശാദ്ദ്
ഉദാഹരണങ്ങൾ താഴെ ;
അബ്ദുല്ല ഇബ്ൻ മസ്‌ലമ പറഞ്ഞു,
അദ്ദേഹം മാലികിൽ നിന്നും അദ്ദേഹം അബൂ ഹാസിമിൽ നിന്നും ,അദ്ദേഹം സഹൽ ഇബ്ൻ സഅദ്
[ റ ] നിന്നും നിവേദനം : നമസ്കാരത്തിൽ വലതു കൈ ഇടതു കൈയുടെ മുകളിൽ വെക്കാൻ നബി [സ] കൽപ്പിക്കാറുണ്ടായിരുന്നു " [ ബുഖാരി 740 ]
ഈ ഹദീസിന്റെ നിവേദകരെയെല്ലാം
ഒരു കണ്ണി , ചങ്ങല എന്ന് പറയാം അഥവാ നബിയും ഹദീസ് രേഖപ്പെടുത്തുന്ന പണ്ഡിതനും തമ്മിൽ
പരസ്‌പ്പരം ബന്ധിപ്പിക്കുന്ന കണ്ണി അതിനെ ശരീഅത്തിന്റെ സാങ്കേതിക ഭാഷയിൽ സനദ് എന്ന്
പറയും .
എ : അബ്ദുല്ല
ഇബ്ൻ മസ്‌ലമ കഅനബി [മുഹദ്ദിസ് ] , സ്ഥലം ;മദീന. മരണം ; ഹി 221 . ഇമാം മാലികിന്റെ ശിഷ്യൻ , മാലിക്കിൽ നിന്നും മുവത്വ
നിവേദനം ചെയ്‌തു .
ഇമാം അബു ഹാതിം പറഞ്ഞു : ഇദ്ദേഹം വിശ്വസ്തനാണ്
ഇമാം അഹമ്മദ് പറഞ്ഞു : മാലിക്കിൽ നിന്നുള്ള
നിവേദനം ശ്രെഷ്ട്ടമാണ്
ഇമാം യഹിയ്യ ഇബ്ൻ മുഈൻ പറഞ്ഞു : വിശ്വസ്തനും , വിശ്വാസിയുമാണ്
ബി : മാലിക്ക്
ഇബ്ൻ അനസ് [തബ് അ താബിഈ ], സ്ഥലം ;മദീന . മരണം : ഹി 179 . ഇമാം സുഹ്‌രിയുടെ
[ താബിഈ ]ശിഷ്യൻ .
ഇമാം അലി ഇബ്ൻ മദീനി പറഞ്ഞു : ഇദ്ദേഹം ഹദീസിലെ
അമീറുൽ മുഅമിനീൻ ആണ്
ഇമാം യഹിയ്യ ഇബ്ൻ മുഈൻ പറഞ്ഞു : ഇദ്ദേഹം വിശ്വസ്തനാണ്
ഇമാം ബൈഹഖി പറഞ്ഞു :ഇദ്ദേഹം വിശ്വസ്തനാണ്
സി : അബു ഹാസിം സലമത്
ഇബ്ൻ ദിനാർ[ താബിഈ ] , സ്ഥലം ; മദീന . മരണം :ഹി
133 . ഇബ്ൻ ഉമർ ,സഹ്ൽ ഇബ്ൻ സഅദ് , അംറ് ഇബ്ൻ ആസ്
മുതലായ സ്വഹാബികളിൽ നിന്നും ശിക്ഷണം .
ഇമാം അബൂദാവൂദ് പറഞ്ഞു : ഇദ്ദേഹം വിശ്വസ്തനാണ്
ഇമാം യഹിയ്യ ഇബ്ൻ മുഈൻ പറഞ്ഞു : ഇദ്ദേഹം വിശ്വസ്തനാണ്
ഇമാം അഹമ്മദ് പറഞ്ഞു :ഇദ്ദേഹം വിശ്വസ്തനാണ്
ഡി : സഹ്ൽ ഇബ്ൻ
സഅദ് ഇബ്ൻ മാലിക്ക് ഇബ്ൻ ഖാലിദ് , [സഹ്ൽ ഇബ്ൻ സഅദ് സാഇദീ ] റസൂലുല്ലായുടെ
സ്വഹാബി .സ്ഥലം ; മദീന . മരണം ; ഹി 91 .
88 എന്നും അഭിപ്രായമുണ്ട് .
മേൽ പറഞ്ഞ സനദിലൂടെ നിവേദനം ചെയ്യപ്പെട്ട
നബിയുടെ വാക്കിനെ , അല്ലെങ്കിൽ കർമ്മത്തെ , അല്ലെങ്കിൽ നബിയുടെ സന്നിധിയിൽ നടന്ന കാര്യത്തെയാണ് മത് ന്
എന്ന് പറയുക . ഈ ഹദീസിലെ മത് ന്
"നമസ്കാരത്തിൽ വലതു കൈ ഇടതു കൈയുടെ മുകളിൽ വെക്കാൻ നബി [സ] കൽപ്പിക്കാറുണ്ടായിരുന്നു"
എന്നതാണ് .
ഈ സനദും മത് നും കൂടിച്ചേരുന്നതിനെയാണ് ഒരു ഹദീസ് എന്ന് പറയുക . ഇതിലെ നിവേദകർ എല്ലാം സ്വീകാര്യർ
ആയതിനാൽ ഇത് സ്വഹീഹ് ഹദീസ് എന്ന് പറയപ്പെടും . ഇത്തരം ഹദീസുകൾ മാത്രമേ പ്രമാണമായി സ്വീകരിക്കാൻ
സാധിക്കുകയുള്ളൂ .
ദഈഫ് ഹദീസ്
[ ദുർബല ഹദീസ് ]
അബൂ ബിഷിർ പറഞ്ഞു അദ്ദേഹത്തോട് യഹിയ്യ ഇബ്ൻ മുഹമ്മദ് ഇബ്ൻ ഖൈസ് പറഞ്ഞു അദ്ദേഹത്തോട് ഹിശാം ഇബ്ൻ ഉർവ്വ പറഞ്ഞു അദ്ദേഹം പിതാവിൽ നിന്നും
പിതാവ് ആയിശ [ റ ] നിന്നും . മഹതി പറഞ്ഞു " നബി [സ ] പച്ച ഈന്തപ്പഴവും പഴുത്ത
ഈന്തപ്പഴവും കഴിക്കാൻ പറഞ്ഞു അതേപോലെ പഴയതും പുതിയതും കഴിക്കാൻ പറഞ്ഞു . നബി [ സ ]
പറഞ്ഞു , നിശ്ചയം ആദാമിന്റെ സന്തതികൾ അത് ഭക്ഷിക്കുന്നത് പിശാചിനെ കോപിഷ്‌ഠനാക്കും
" [ ഇബ്ൻ മാജ ]
എ ; ബക്ർ ഇബ്ൻ ഖലഫ് ബസരീ അബൂ ബിഷിർ, സ്ഥലം ; ബസറ , മരണം ; ഹി 240
ഇമാം അബൂ ഹാതിം റാസി പറഞ്ഞു ; ഇദ്ദേഹം ആധികാരികനാണ്
ഇമാം യഹിയ്യ ഇബ്ൻ മുഈൻ പറഞ്ഞു ; ഇദ്ദേഹം വിശ്വസ്തനാണ്
ഇമാം അസ്‌ക്കലാനി പറഞ്ഞു ; ഇദ്ദേഹം വിശ്വസ്തനാണ്
ഇമാം ദഹബി പറഞ്ഞു ; ഇദ്ദേഹം ആധികാരികനാണ്
ബി ; അബൂ സുകൈർ യഹിയ്യ ഇബ്ൻ മുഹമ്മദ് ഇബ്ൻ
ഖൈസ് , സ്ഥലം ; മദീന , ബസറ , മരണം ; 200 നു മുൻപ് (തബ് അ താബി )
ഇമാം യഹിയ്യ ഇബ്ൻ മുഈൻ പറഞ്ഞു ; ഇദ്ദേഹം
ദുർബലനാണ്
ഇമാം ഉഖൈലി പറഞ്ഞു : അദ്ദേഹം തന്നെ റിപ്പോർട്ട്
ചെയ്യുന്ന ഹദീസ് പിൻപറ്റാറില്ല
ഇമാം ജുർജാനി ഇദ്ദേഹത്തെ തന്റെ ദുർബലന്മാരെ
കുറിച്ചുള്ള ഗ്രന്ഥത്തിൽ ഉദ്ധരിക്കുന്നു [ കാമിൽ ഫീ ദുആഫാഉൽ റിജാലിൽ 88 / 2141 ]
ഇദ്ദേഹത്തിന്റെ നിവേദനങ്ങൾ മറ്റു പല ഹദീസിന്റെ
പിൻബലത്തിൽ ഇമാം മുസ്ലിം ഉദ്ധരിച്ചിട്ടുണ്ട് പക്ഷെ ഇദ്ദേഹം ഏകനായി നിവേദനം ചെയ്യുന്നത്
സ്വീകരിക്കാറില്ല . കാരണം ഇദ്ദഹം "ലയ്യിന് " ഹാലിലുള്ള [ ആശ്രദ്ധനായ ] നിവേദകനാണ്
.
സി ; ഹിശാം ഇബ്ൻ ഉർവ്വത് ഇബ്ൻ സുബൈർ ഇബ്ൻ
അവ്വാം , സ്ഥലം; മദീന , മരണം ; ഹി 146 ( താബിഈ
-അഞ്ചാം തലമുറ ]
നദിർ ഇബ്‌നു അബ്ദുൽ ജബ്ബാർ : അദ്ദേഹം പിതാവിലേക്ക്
ചേർത്തി പറഞ്ഞത് ഇഷ്ട്ടപെട്ടിരുന്നില്ല
ഇമാം മാലിക് : ഇറാക്ക് കാരിൽ നിന്നും വരുന്ന
ഹിഷമിന്റെ ഹദീസ് സ്വീകരിചിരുന്നില്ല , കളവ് പറയുന്നവൻ എന്നും പറഞ്ഞിട്ടുണ്ട് .
യഹ് കൂബ്‌ ഇബ്‌നു ശൈബ : വിശ്വസ്തനാണ് , പക്ഷേ
ഇറാക്കിൽ പോയതിനു ശേഷം ഉദ്ധരികുന്നത് സ്വീകാര്യമല്ല
യൂസഫ്‌ ഇബ്‌നു ഖറാഷ് : വിശ്വസ്തനാണ് , പക്ഷേ
ഇറാക്കിൽ പോയതിനു ശേഷം ഉദ്ധരികുന്നത് ഇമാം മാലിക്ക് സ്വീകരിച്ചിരുന്നില്ല
[തഹ്ദീബ് അൽ കമാൽ 8055]
യഹ് കൂബ്‌ ഇബ്‌നു ശൈബ ;ഹിഷാം വിശ്വസ്തനാണ്
അദ്ദേഹം ഇറാക്കിലേക്ക് പോയതിനു ശേഷമല്ലാതെ ആരും അദ്ദേഹത്തെ ആക്ഷേപിച്ചിട്ടില്ല . ഇറാക്കിലേക്ക്
പോയതിനു ശേഷം പിതാവിൽ നിന്നും കേൾകാതത് പിതാവിലേക്ക് ചേർത്ത് പറയാൻ തുടങ്ങി . അദ്ദേഹം
വീണ്ടും പറഞ്ഞു : ഇറാക്ക് കാരിൽ നിന്നും വരുന്ന നിവേദനങ്ങളിൽ വഹ് മ് [ധാരണ പിശക് ]
ഉണ്ട്
യൂസഫ്‌ ഇബ്‌നു ഖറാഷ് : വിശ്വസ്തനാണ് , പക്ഷേ
ഇറാക്കിൽ പോയതിനു ശേഷം ഉദ്ധരികുന്നത് ഇമാം മാലിക്ക് സ്വീകരിച്ചിരുന്നില്ല. കാരണം ,
കൂഫ യിലേക്ക് മൂന്ന് തവണ ഹിശാം യാത്ര പോയി . ആദ്യമൊക്കെ ഹദ്ദസനീ അബീ [ പിതാവ് എന്നോട്
പറഞ്ഞു ] അദ്ദേഹം ആയിശ [റ ] കേട്ടു എന്നും , രണ്ടാമത്തെ യാത്രക്ക് ശേഷം ആഹ്ബരനീ അബീ
[ പിതാവ് എന്നെ അറിയിച്ചു ] അദ്ദേഹം അൻ ആയിശ [ആയിശ [റ ] നിന്നും ] എന്നും മൂന്നാമത്തെ
യാത്രക്ക് ശേഷം അൻ അബീഹി [ പിതാവിൽ നിന്നും ] അൻ ആയിശ [ആയിശ [റ ] നിന്നും ] എന്നും
നിവേദനം ചെയ്യാൻ തുടങ്ങി . "
[സിയാർ അ' ആലാ മു നുബുലാ - ഇമാം ദഹബി]
ഡി ; ഉർവ്വത് ഇബ്ൻ സുബൈർ ഇബ്ൻ അവ്വാം ഖുവൈലിദ്
ഇബ്ൻ അസദ് , സ്ഥലം ; മദീന , മരണം ; ഹി 93 ( താബിഈ- മൂന്നാം തലമുറ ) പിതാവ് സുബൈർ ഇബ്ൻ
അവ്വാം [ റ ] , അലി , ആയിശ , ഇബ്ൻ അബ്ബാസ് , ഇബ്ൻ ഉമർ , സൈദ് ഇബ്ൻ സാബിത് തുടങ്ങിയ പ്രഗത്ഭരായ സ്വഹാബികളിൽ നിന്നും ശിക്ഷണം
.
ഇമാം ഇബ്ൻ ഖർറാഷ് പറഞ്ഞു ; ഇദ്ദേഹം അധികാരികനാണ്
ഇമാം അജലീ പറഞ്ഞു ; ഇദ്ദേഹം അധികാരികനാണ്
ഇമാം ഇബ്ൻ സഅദ് പറഞ്ഞു ; ഇദ്ദേഹം അധികാരികനാണ്
ഇ ; ആയിശ ബിൻത് അബുബക്കർ ഇബ്ൻ അബീ ഖുഹാഫ [ റ ] ഉമ്മുൽ മുഅമിനീൻ , സ്ഥലം ; മക്ക , മരണം ; ഹി 57 .(സ്വഹാബാ )
നബിയുടെ ഭാര്യ .
പ്രസ്‌തുത ഹദീസിന്റെ സനദിൽ എല്ലാവരും അധികാരികാരല്ലാത്തതിനാൽ ഈ ഹദീസ് ദഈഫാണ്
[ ദുർബലം ] . അഥവാ പ്രാമാണ്യയോഗ്യമല്ല . അതിനാൽ പ്രസ്‌തുത ഹദീസ് അനുസരിച്ചു പ്രവർത്തിക്കൽ അനുവദനീയമല്ല .
shahid