ബറാഅത്ത് രാവ്



ബറാഅത്ത്  രാവ്

                                       മുഖ്യധാരാ  മുസ്ലിംകൾ വിശ്വസിച്ചുപോരുന്ന അറിയപ്പെട്ട ഒരു ആചാരമാണ് " ബറാഅത്ത് രാവ് ". അന്നേ ദിവസം ദീർഘായുസ്സും , സമ്പത്തും , ഐശ്വര്യങ്ങളും , പാപമോചനവും ലഭിക്കുമെന്ന് വിശ്വസിക്കുന്നു . ചിലർ അന്നേ ദിവസം നോമ്പെടുക്കുകയും , രാത്രിയിൽ തസ്ബീഹ് നമസ്‌ക്കാരം നിർവ്വഹിക്കുകയും ചെയ്യുന്നു .
“ബറാഅത്ത് രാവില്‍ ഇശാഅ്- മഗ്‌രിബിനിടയില്‍ മൂന്ന് യാസീന്‍ ഓതി ദുആ ചെയ്യുന്നത് മുമ്പ് കാലം മുതലേ നടന്നുവരുന്ന ഒരു പുണ്യ കര്‍മമാണ്. നല്ലൊരു രാവ് എന്ന നിലയിലും യാസീന്‍ ഓതി ദുആ ചെയ്താല്‍ പെട്ടെന്ന് ഉത്തരം കിട്ടുമെന്ന പ്രതീക്ഷയിലുമായിരിക്കണം മുന്‍ഗാമികള്‍ ഇത് പതിവാക്കിയത്. ആദ്യത്തെ യാസീന്‍ ദീര്‍ഘായുസ്സിനും ആരോഗ്യത്തിനും വേണ്ടിയും രണ്ടാമത്തേത് സമ്പത്ത്, സന്താനങ്ങള്‍, വീട്, കുടുംബം എന്നിവയിലെല്ലാം ഐശ്വര്യമുണ്ടാകുന്നതിന് വേണ്ടിയും മൂന്നാമത്തേത് ‘ആഖിബത്ത്’ നന്നാകാനും ഈമാനോട് കൂടി മരിക്കാനും വേണ്ടിയും എന്ന് കരുതി പാരായണം ചെയ്യുക. ആയുസ്സ്, ഭക്ഷണം, അനുഗ്രഹങ്ങള്‍ തുടങ്ങിയവ കണക്കാക്കപ്പെടുന്ന ബറാഅത്ത് രാവില്‍ ഈ കാര്യങ്ങള്‍ സഫലമാകുന്നതിന് വേണ്ടി പ്രത്യേകം പ്രാര്‍ഥിക്കുന്നത് പ്രസക്തമാണ്”
[ സിറാജ് ലൈവ് June 2, 2015]
ചിലർ പറയുന്നു മരിച്ചവരുടെ ആത്മ്മക്കൾ അന്ന് നമ്മെ തേടിവരുമെന്നു . മുഖ്യധാരാ മുസ്ലീങ്ങൾക് ശരിക്കും അതൊരു ആഘോഷദിനം തന്നെയാണ് . ഈ ആചാരം ആഘോഷിക്കാൻ അവർ പ്രധാനമായും തെളിവാക്കുന്നത്  ചില ഖുർആൻ തഫ്‌സീറുകളും ,  ഹദീസുകളും , പണ്ഡിതന്മാരുടെ അഭിപ്രായങ്ങളുമാണ് .

തഫ്‌സീർ
ഖുര്‍ആനിലെ 44-ാം അധ്യായത്തിലെ മൂന്നാം സൂക്തം പരാമര്‍ശിക്കുന്ന ‘അനുഗ്രഹീത രാവ്’കൊണ്ട് വിവക്ഷിക്കുന്നത് ബറാഅത്ത് രാവാണെന്ന് ഖുര്‍ആന്‍ വ്യാഖ്യാതാവായ ഇക്‌രിമ(റ) ഈ സൂക്തം വ്യാഖ്യാനിച്ചുകൊണ്ട് പറയുന്നു: ‘ഈ സൂക്തത്തില്‍ പരാമര്‍ശിച്ച അനുഗ്രഹീത രാവ് ശഅബാന്‍ പകുതിയുടെ രാവാണ്. ആ രാവില്‍ ഒരു വര്‍ഷത്തേക്കുള്ള കാര്യങ്ങള്‍ തീരുമാനിക്കപ്പെടും. ജീവിച്ചിരിക്കുന്നവരെ മരണപ്പെട്ടവരില്‍ നിന്ന് വേര്‍തിരിച്ച് പട്ടിക തയ്യാറാക്കപ്പെടും. ഈ വര്‍ഷം ഹജ്ജ് കര്‍മം നിര്‍വഹിക്കുന്നവര്‍ ആരെല്ലാമെന്ന് നിശ്ചയിക്കപ്പെടും.’ (തഫ്‌സീറുല്‍ ഖുര്‍ത്തുബി).
حدثنا الفضل بن الصباح ، والحسن بن عرفة قالا : ثنا الحسن بن إسماعيل البجلي ، عن محمد بن سوقة ، عن عكرمة في قول الله تبارك وتعالى ( فيها يفرق كل أمر حكيم ) قال : في ليلة النصف من شعبان يبرم فيه أمر السنة ، وتنسخ الأحياء من الأموات ، ويكتب الحاج فلا يزاد فيهم أحد ، ولا ينقص منهم أحد
 ഇക് രിമയിൽ നിന്നുള്ള ഈ റിപ്പോർട്ടിൽ ഇല്ലത്തുണ്ട് . ഇതിലെ الحسن بن إسماعيل البجلي എന്നത് പിഴവാണ് .   യഥാർത്ഥത്തിൽ محمد بن سوقة നിന്നും ഹദീസ് ഉദ്ധരിക്കാറുള്ളത് ഹസ്സൻ അല്ല النضر بن إسماعيل البجلي യാണ് .ഇമാം ദഹബി മീസാനിൽ ഇദ്ദേഹത്തെ കുറിച്ചു പറയുന്നിടത് ഈ ഹദീസ് ഉദാഹരണമായി കൊടുക്കുന്നു  [മീസാൻ 9057 ].  അദ്ദേഹമാണെങ്കിൽ  ദുർബലനുമാണ് .
وقال يعقوب بن سفيان ضعيف  وقال أبو زرعة والنسائي ليس بالقوي            أحمد بن حنبل   ضعيف الحديثيَ يَحْيَى بن معين كَانَ ضعيفا  
ഇമാം യഅകൂബ് ഇബ്ൻ സുഫിയാൻ പി[പറയുന്നു ; ഇദ്ദേഹം ദുർബലനാണ്
ഇമാം അബു സുർഅത് അറാസി യും നാസാഈയും പറയുന്നു ; ഇദ്ദേഹം പ്രബലനല്ല, ഇമാം അഹമ്മദ് പറഞ്ഞു ; ഇദ്ദേഹം ദുർബലനാണ്
ഇമാം യഹിയ്യ ഇബ്ൻ മുഈൻ പറഞ്ഞു ; ഇദ്ദേഹം ദുർബലനാണ് . [ തഹ് ദീബ്  9793, തഹ് ദീബ് അൽ കമാൽ 6416  ]

അപ്പോൾ ഈ വ്യാഖ്യാനം വിശ്വസ്ഥരാൽ റിപ്പോർട്ട് ചെയ്യപ്പെട്ടു വന്നതല്ല അതിനാൽ ഇത് ഒരു പരിഗണയും അർഹിക്കാത്ത തെളിവാണ് . എന്നാൽ വിശ്വസനീയമായ റിപ്പോർട്ടിൽ ഉള്ളത്  അനുഗ്രഹീത രാത്രി എന്നാൽ ലൈലത്തുൽ ഖദ്ർ എന്നാണ്
عَنْ قَتَادَةَ ( إِنَّا أَنْزَلْنَاهُ فِي لَيْلَةٍ مُبَارَكَةٍ ) لَيْلَةُ الْقَدْرِ
 ഖതാദയിൽ നിന്നും നിവേദനം ; അനുഗ്രഹീത രാത്രിയെന്നാൽ അത് ലൈലത്തുൽ ഖദർ ആണ് .[ തഫ്‌സീർ തബരി ]
ഇമാം നവവി (റ) ശറഹുല്‍ മുഹദ്ദബില്‍ പറയുന്നു : ചില ഖുര്‍ആന്‍ വ്യാഖ്യാതാക്കള്‍ ദുഖാനിലെ ആയത്ത് കൊണ്ട് ഉദ്ദേശം ശഅബാന്‍ പകുതിയാണെന്ന് പറയുന്നു. അതു പിഴവാണ്. കാരണം അല്ലാഹു വീണ്ടും പറയുന്നു : നിശ്ചയം നാം അതിനെ ലൈലത്തുല്‍ ഖദറില്‍ ഇറക്കി. ഈ ആയതു ദുഖാനിലെ ആയത്തിനെ വ്യാഖ്യാനിക്കലാണ്. [ശറഹുല്‍ മുഹദ്ദബ് 6 /448)

തഫ്സീറുല്‍ റാസിയില്‍ പറയുന്നു : ബര്‍ക്കത്തായ രാവ് എന്നതിന്റെ വിവക്ഷ ശഅബാന്‍ പകുതിയുടെ രാവാണെന്ന് പറയുന്നവര്‍ക്ക് അവലംബിക്കാന്‍ പറ്റുന്ന യാതൊരു തെളിവും ഞാന്‍ കണ്ടിട്ടില്ല. ചില മനുഷ്യരില്‍ നിന്നും ഈ അഭിപ്രായം ഉദ്ധരിച്ചുകൊണ്ട് അവര്‍ സംതൃപ്തരാവുകയാണ്. എന്നാല്‍ പ്രതിവാദ്യ വിഷയത്തില്‍ നബി (സ)യില്‍ നിന്ന് എന്തെങ്കിലും വന്നിട്ടുണ്ടെങ്കില്‍ കൂടുതല്‍ വിശദീകരണം ആവശ്യമില്ല. അങ്ങനെ ഉണ്ടാകാത്തതിനാല്‍ സത്യം ലൈലത്തുല്‍ ഖദര്‍ ആണെന്ന ആദ്യത്തെ അഭിപ്രായമാണ്. [തഫ്സീര്‍ റാസി 27/238]

ഹദീസുകളിൽ

عَنْ معاذ بن جبل رضي الله عنه عَنْ رَسُولِ اللَّهِ صلى الله عليه وسلم قَالَ : " يطلع الله إلى خلقه في ليلة النصف من شعبان فيغفر لجميع خلقه إلا لمشرك أو مشاحن
മുആദ് ഇബ്ന് ജബൽ (റ) വിൽ  നിന്നും നിവേദനം: റസൂൽ  (സ) പറഞ്ഞു: "ശഅബാൻ  പതിനഞ്ചിന്റെ രാവിൽ അല്ലാഹു തന്റെ സൃഷ്ടികളിലേക്ക് നോക്കുകയും മുശ് രിക്കോ, തർക്കിക്കുന്നവനോ അല്ലാത്ത സകല സൃഷ്ടികൾക്കും  അവൻ പൊറുത്ത് കൊടുക്കുകയും ചെയ്യും." - [ഇബ്ൻ മാജ 1390 , ത്വബറാനി: 20/108, ഇബ്നു ഹിബ്ബാന്: 12/481, ബസ്സാർ 2754 ,].
ഈ ഹദീസ് വരുന്ന ഒന്നാമത്തെ തരീഖ് ; അബ്ദുല്ലാഹ് ഇബ്ൻ ലഹീഅത് عبد الله بن لهيعة വഴിയാണ് .
പൂർണ്ണ നാമം - عبد الله بن لهيعة بن عقبة بن فرعان بن ربيعة بن ثوبان
ഇദ്ദേഹത്തെ കുറിച്ചു മുഹദ്ദിസുകളുടെ അഭിപ്രായം :

قال أبو بكر البيهقي -            لا يحتج به
قال أبو حاتم الرازي -     ضعيف
قال أبو زرعة الرازي-      ضعيف
قال أبو عيسى الترمذي             -  ضعيف عند أهل الحديث
قال أحمد بن شعيب النسائي      - ضعيف، ليس بثقة

ഇമാം ബൈഹഖി പറഞ്ഞു : ഇദ്ദേഹം തെളിവിന് പറ്റില്ല
ഇമാം അബു ഹാതിം റാസി പറഞ്ഞു ; ഇദ്ദേഹം  ദുർബലനാണ്
ഇമാം അബു സുർഅതു റാസി പറഞ്ഞു ; ഇദ്ദേഹം  ദുർബലനാണ്
ഇമാം തിർമുദി  പറഞ്ഞു ; അഹ്‌ലുൽ ഹദീസുകർക്കിടയിൽ ഇദ്ദേഹം ദുർബലനാണ്
ഇമാം നസാഈ പറഞ്ഞു ; ഇദ്ദേഹം  ദുർബലനാണ് , വിശ്വസ്തനല്ല

[മീസാന്   2/ 426 ]
രണ്ടാമത്തെ തരീഖ് :
حدثنا أحمد بن منيع حدثنا يزيد بن هارون أخبرنا الحجاج بن أرطاة عن يحيى بن أبي كثير عن عروة عن عائشة قالت فقدت رسول الله صلى الله عليه وسلم ليلة فخرجت فإذا هو بالبقيع فقال أكنت تخافين أن يحيف الله عليك ورسوله قلت يا رسول الله إني ظننت أنك أتيت بعض نسائك فقال إن الله عز وجل ينزل ليلة النصف من شعبان إلى السماء الدنيا فيغفر لأكثر من عدد شعر غنم كلب وفي الباب عن أبي بكر الصديق [ ص: 117 ] قال أبو عيسى حديث عائشة لا نعرفه إلا من هذا الوجه من حديث الحجاج وسمعت محمدا يضعف هذا الحديث وقال يحيى بن أبي كثير لم يسمع من عروة والحجاج بن أرطاة لم يسمع من يحيى بن أبي كثير
ആയിശ (റ) നിവേദനം : ഒരു രാത്രി നബി (സ)യെ കാണാതായി. ഞാന്‍ അദ്ദേഹത്തെ അന്വേഷിച്ചു പുറപ്പെട്ടു. അപ്പോള്‍ അദ്ദേഹം ബഖീഅ'ലേക്ക് പുറപ്പെടുകയാണ്. അവിടെ ചെന്ന് കൈ ഉയര്‍ത്തി പ്രാര്‍ഥിച്ചു.... ശേഷം അവിടുന്ന് പറഞ്ഞു : ആയിശാ, നിശ്ചയം അല്ലാഹു ശഅബാന്‍ പകുതിയുടെ രാത്രിയില്‍ ദുന്യാവിന്‍റെ ആകാശത്തേക്ക് ഇറങ്ങും. എന്നിട്ട് കെല്‍ബ് ഗോത്രക്കാരുടെ ആടുകളുടെ രോമങ്ങള്‍ കണക്കിന് പാപികള്‍ക്ക് മാപ്പ് കൊടുക്കും. [[  തിർമുദി 739 , ഇബ്ൻ മാജ 1389 ]
ഈ ഹദീസ് ഉദ്ധരിച്ചിട്ട് ഇമാം തിർമുദി  പറയുന്നു ഈ ഹദീസ് ദുർബലമാണെന്ന് .  الحجاج بن أرطاة عن يحيى بن أبي كثير عن عروة ഈ റിവായത്തിൽ ഇല്ലത്തുണ്ട്  ഇതിലെ ഹജ്ജാജ്  യഹിയ്യ ഇബ്ൻ കസീറിൽ നിന്നും ഹദീസ് കേട്ടിട്ടില്ല യഹിയ്യയാകട്ടെ ഉർവ്വയിൽ നിന്നും കേട്ടിട്ടില്ല .ദുർബല ഹദീസുകളുടെ ഗണത്തിൽപ്പെട്ട  മുഅദലായ  ഹദീസാണിത് .

മൂന്നാമത്തെ തരീഖ് ;

حدثنا حسن حدثنا ابن لهيعة حدثنا حيي بن عبد الله عن أبي عبد الرحمن الحبلي عن عبد الله بن عمرو أن رسول الله صلى الله عليه وسلم قال يطلع الله عز وجل إلى خلقه ليلة النصف من شعبان فيغفر لعباده إلا لاثنين مشاحن وقاتل نفس
"ശഅബാൻ   പതിനഞ്ചിന്റെ രാവിൽ അല്ലാഹു തന്റെ സൃഷ്ടികളക്ക് പൊറുത്തു കൊടുക്കും വഴക്കിടുന്നവനും , കൊലപാതകിക്കുമൊഴികെ "
[ അഹമ്മദ് 6604 , ബസ്സാർ]

ഈ ഹദീസിന്റെ സനദിൽ ; അബ്ദുല്ലാഹ് ഇബ്ൻ ലഹീഅത്  ഉണ്ട്  അദ്ദേഹം ദുർബലനാണ്


قال أبو بكر البيهقي -            لا يحتج به
قال أبو حاتم الرازي -     ضعيف
قال أبو زرعة الرازي-      ضعيف
قال أبو عيسى الترمذي             -  ضعيف عند أهل الحديث
قال أحمد بن شعيب النسائي      - ضعيف، ليس بثقة

ഇമാം ബൈഹഖി പറഞ്ഞു : ഇദ്ദേഹം തെളിവിന് പറ്റില്ല
ഇമാം അബു ഹാതിം റാസി പറഞ്ഞു ; ഇദ്ദേഹം  ദുർബലനാണ്
ഇമാം അബു സുർഅതു റാസി പറഞ്ഞു ; ഇദ്ദേഹം  ദുർബലനാണ്
ഇമാം തിർമുദി  പറഞ്ഞു ; അഹ്‌ലുൽ ഹദീസുകർക്കിടയിൽ ഇദ്ദേഹം ദുർബലനാണ്
ഇമാം നസാഈ പറഞ്ഞു ; ഇദ്ദേഹം  ദുർബലനാണ് , വിശ്വസ്തനല്ല

നാലാമത്തെ തരീഖ്;
- حدثنا عمرو بن مالك قال : نا عبد الله بن وهب قال : نا عمرو بن الحارث قال : حدثني عبد الملك بن عبد الملك ، عن مصعب بن [ ص: 207 ] أبي ذئب ، عن القاسم بن محمد ، عن أبيه أو عمه ، عن أبي بكر ، قال : قال رسول الله - صلى الله عليه وسلم - : " إذا كان ليلة النصف من شعبان ينزل الله تبارك وتعالى إلى سماء الدنيا فيغفر لعباده إلا ما كان من مشرك أو مشاحن لأخيه "
[ ബസ്സാർ 80]

ഈ ഹദീസ് കൊടുത്തിട്ട് ഇമാം ബസ്സാർ തന്നെ പറയുന്നു ഇതിലെ അബ്ദുൽ മാലിക്ക് ആരാണെന്നു അറിയില്ല എന്ന്
 وعبد الملك بن عبد الملك ليس بمعروف
കൂടാതെ ഇതിലെ മുഹമ്മദ് ദുർബലനാണ് എന്നും പറയുന്നു
وهذه الأحاديث التي ذكرت عن محمد بن أبي بكر ، عن أبيه في بعض أسانيدها ضعف

കൂടാതെ പല പണ്ഡിതന്മാരും ഈ വിഷയത്തിൽ സ്വഹീഹായി ഒന്നും വന്നിട്ടില്ലാ എന്ന് പറയുന്നു ;

ഇമാം നവവി (റ)യുടെ ഗുരുനാഥനും മാലികി മദ്ഹബ് പണ്ഡിതനുമായ ഇമാം അബൂശാമ (റ) രേഖപ്പെടുത്തിയത് ശ്രദ്ധിക്കുക : സൈദ്ബ്നു അസ്ലമില്‍ നിന്നും ഇബ്നു വല്ലഹ് (റ) ഉദ്ധരിച്ചിരിക്കുന്നു : നമ്മുടെ കര്‍മശാസ്ത്രപണ്ഡിതന്മാരില്‍ നിന്നോ മതനേതാക്കളില്‍ നിന്നോ ഒരാളും തന്നെ ശഅ'ബാന്‍ പാതിരാവിന്‍റെ (പുണ്യത്തിലേക്ക്) തിരിഞ്ഞു നോക്കുക പോലും ചെയ്യുന്നതായി ഞങ്ങള്‍ കണ്ടിട്ടില്ല. മക്ഹൂല്‍ ഉദ്ധരിച്ച ഹദീസിലേക്ക് അവര്‍ തിരിഞ്ഞു നോക്കുക പോലും ചെയ്തിരുന്നില്ല. മറ്റുള്ള രാവുകളേക്കാള്‍ (ശഅബാന്‍ പാതിരാവിനു) അവര്‍ യാതൊരുവിധ ശ്രേഷ്ഠതയും കല്‍പ്പിക്കാരുണ്ടായിരുന്നില്ല . [കിതാബുല്‍ ബാഇസ് പേജ് 125, അല്‍ ബിദഅ' പേജ് 46]

ഇമാം അബൂശാമ (റ) ഇബ്നു ദഹ്യയില്‍ നിന്നും വീണ്ടും ഉദ്ധരിക്കുന്നു : "ശഅബാന്‍ പാതിരാവിന്‍റെ ശ്രേഷ്ടതയെക്കുറിച്ച് വന്നിട്ടുള്ള ഒരൊറ്റ ഹദീസും സ്വഹീഹല്ല. അതിനാല്‍ അല്ലാഹുവിന്‍റെ അടിമകളെ, ഹദീസുകള്‍ നിര്‍മ്മിച്ചുണ്ടാക്കുന്നവരെക്കുറിച്ചു നിങ്ങള്‍ സൂക്ഷിക്കുവിന്‍. നിങ്ങള്‍ക്കവര്‍ ഹദീസുകള്‍ ഉദ്ധരിച്ചുതരുന്നത് നന്മയിലേക്ക് നയിക്കുക എന്ന ലക്‌ഷ്യം വച്ച് കൊണ്ടായിരിക്കും. എന്നാല്‍ ഒരു നന്മ പ്രവൃത്തിപദത്തില്‍ കൊണ്ടുവരണമെങ്കില്‍ അത് അല്ലാഹുവിന്‍റെ റസൂലില്‍ നിന്നും ചര്യയായി വരേണ്ടതുണ്ട്. ഒരു കാര്യം വ്യാജ്യമാണെന്ന് സ്ഥിരപ്പെട്ടുകഴിഞ്ഞാല്‍ അത് മതചര്യയില്‍ നിന്നും പുറത്ത് പോയി." [കിതാബുല്‍ ബാഇസ് പേജ് 127]
അതുകൊണ്ട് ദുർബലവും , കെട്ടിയുണ്ടാക്കിയതുമായ ഹദീസിന്റെ വെളിച്ചത്തിൽ ഏതെങ്കിലും ആചാരങ്ങൾ , കർമ്മങ്ങൾ ദീനിൽ നിർമ്മിക്കാതെ സത്യവിശ്വാസികളുടെ സരണിയിൽ ജീവിച്ചു മരിക്കാൻ അല്ലാഹു അനുഗ്രഹിക്കട്ടെ .

ഖുർആനിന്നും ഹദീസിനും ഒരേ സ്ഥാനമോ ?



നബി [സ ] ജീവിച്ചിരുന്നപ്പോൾ തന്നെ ഖുർആൻ പൂർത്തിയാക്കിയിരുന്നു . ജിബ്രീൽ [ അ ] നബിയെക്കൊണ്ട് പല ആവർത്തി റിവിഷനും നടത്തിയിട്ടുണ്ട് . സ്വഹാബികളെ കൊണ്ട് നബി എഴുതിക്കുകയും ചെയ്തിട്ടുണ്ട് . നബിയുടെ കാലശേഷം ഒന്നാം ഖലീഫ അബുബക്കർ [റ ]ഖുർആൻ ഗ്രന്ഥരൂപത്തിൽ ക്രോഡീകരിച്ചു . അങ്ങനെ ആ മുസ്ഹഫ്  ഖലീഫയുടെ സംരക്ഷയിൽ സൂക്ഷിച്ചു . മൂന്നാം ഖലീഫ ഉസ്മാൻ [റ ] കാലത്തു ഇസ്ലാം ദേശങ്ങളിലേക്ക് വ്യാപിച്ചപ്പോൾ ഖലീഫയുടെ കയ്യിൽ സൂക്ഷിച്ച മുസ്ഹഫിന്റെ കോപ്പികൾ എടുത്ത് നന ദിക്കുകളിലേക് അയച്ചു . ആ മുസ്ഹഫ് ഇന്നും അതേപോലെ സംരക്ഷിക്കപ്പെട്ട് നിൽക്കുന്നു . അതിലെ ഒരു വള്ളിപോലും മാറ്റാതിരുത്തലുകൾക് വിധേയമാക്കിയിട്ടില്ല .
അല്ലാഹു പറയുന്നു ;
" ഈ ദിക്ർ [ ഉത്ബോധനം ]  നാം അവതരിപ്പിച്ചതാകുന്നു. നാംതന്നെ അതിന്റെ സൂക്ഷിപ്പുകാരനുമാകുന്നു" [ ഹിജർ 9 ]

ഇമാം ത്വബരി പറയുന്നു ; "ഈ ദിക്ർ [ ഉത്ബോധനം ] എന്നാൽ , അത് ഖുർആനാകുന്നു . [ തഫ്‌സീർ ത്വബരി ]
ഇമാം ഖുർതുബി പറയുന്നു " " ദിക്ർ " എന്നുവച്ചാൽ ഖുർആനാണ് [ ജാമിഅൽ അഹ്‌കാം അൽ ഖുർആൻ ]
ഇമാം സുയ്യുതി പറയുന്നു ; ദിക്ർ " എന്നുവച്ചാൽ ഖുർആനാണ് [ തഫ്‌സീർ ജലാലൈനി ]
ഇമാം ഹസൻ ഇബ്ൻ മസ്ഊദ് അൽ ബഗ്‌വി പറയുന്നു ; ദിക്ർ " എന്നുവച്ചാൽ ഖുർആനാണ് [ തഫ്‌സീർ ബഗ്‌വി ]

 ഖുർആൻ  അല്ലാഹു ഇറക്കിയ വേദഗ്രന്ഥമാണെന്നതിലും , അതിൽ യാതൊരു  അബദ്ധമോ ,കൈകടത്താലോ , പിഴവുകളോ , തെറ്റുകളോ ഇല്ലാ എന്നതിലും മുസ്ലിംങ്ങൾക്കിടയിൽ അഭിപ്രായ ഭിന്നതയില്ല .കാരണം ഒന്നാമതാ യി ഖുർആൻ തന്നെ അത് വ്യക്തമാക്കുന്നു.

 " നിങ്ങൾ ഈ ഖുർആനിനെ പറ്റി ചിന്തിക്കുന്നില്ലേ ? അത് അല്ലാഹു അല്ലാത്തവരിൽ നിന്നും, വന്നതായിരുന്നു എങ്കിൽ നിങ്ങളതിൽ ധാരാളം വൈരുധ്യങ്ങൾ  കണ്ടെത്തുമായിരുന്നു " [4 / 82 ]

എന്നാൽ ഹദീസുകൾ അങ്ങനെയല്ല . ഹദീസുകൾ ഗ്രന്ഥ രൂപത്തിൽ സ്വഹാബിമാർ സമ്പൂർണ്ണമായി ക്രോഡീകരിച്ചിരുന്നില്ല . ഉമർ ഇബ്ൻ അബ്ദിൽ അസീസിന്റെ കാലത്തു നബിയുടെ പേരിൽ ആളുകൾ വ്യാപകമായി ഹദീസ് പറയാൻ തുടങ്ങിയപ്പോൾ  താബിഉആയ  ശിഹാബ് സുഹ്‌രി യാണ് ആദ്യമായി സനദ് ആവശ്യപ്പെടാൻ തുടങ്ങിയത് . അങ്ങനെ ഖലീഫയുടെ ഉത്തരവനുസരിച്  ഹാദിസുകൾ ക്രോഡീകരണം ആരംഭിച്ചത് അന്നാണ് . അവർ ക്രോഡീകരിച്ചതും നമുക്ക് ഗ്രന്ഥമായി ലഭ്യമായിട്ടില്ല അതിനു ശേഷം വന്ന തബ് അ താബിഉകളായ ഇബ്ൻ ജുറൈജ് , ഇമാം മാലിക്ക് , തുടങ്ങിയ ആളുകളാണ് ഗ്രന്ഥരൂപത്തിൽ ഹദീസ് ശേഖരിച്ചത് . പിന്നീട് ഇമാം അഹമ്മദ് വന്നു ബുഖാരി വന്നു , ആദ്യമായി സ്വാഹീഹ്‌ ഗ്രന്ഥം എഴുതിയത് ബുഖാരിയാണ് . പിന്നീട് പലരും എഴുതി . അപ്പോൾ ഈ ഗ്രന്ഥകാരന്മാരും നബിയും [സ]തമ്മിൽ ഒരുപാട് വർഷത്തെ വിടവുണ്ട് . അങ്ങനെ ലഭിച്ച വചനങ്ങളാണ് ഇന്നത്തെ ഹദീസ് ഗ്രന്ഥങ്ങളിലുള്ളത് . അതുകൊണ്ട് തന്നെ നബി [സ ] മുതൽ ഹദീസ് ഗ്രന്ഥകാരൻ വരെ പരസ്പ്പരം ബന്ധിപ്പിക്കുന്ന ഒരു മനുഷ്യ ചങ്ങല ഹദീസുകളുണ്ട് അതിനെ സനദ് എന്ന് പറയും . ഹദീസിലെ ആശയത്തെ മത് ന്  എന്നും പറയും . താബിഉകളായ ആളുകൾ മുതൽ പിന്നീടുള്ളവർ ഹദീസ് സ്വീകരിക്കാൻ സനദ് ആവശ്യപ്പെടുകയും,സാക്ഷികളെ ആവശ്യപ്പെടുകയും , അതേപോലെ പല നിദാന മാർഗ്ഗങ്ങൾ ഉപയോഗിക്കുകയും ചെയ്തു . അതാണ് ഇ ന്നറിയപ്പെടുന്ന ഹദീസ് നിദാന ശാസ്ത്രം .
ഖുർആനിലെ ഒരു ആയത് സ്വീകരിക്കാൻ ഒരു മാനദണ്ഡവുമില്ല , ഉസൂലുമില്ല . എല്ലാം സ്വീകരിക്കണം . അത് പാരായണം ചെയ്താൽ പുണ്യമുണ്ട് , അതിൽ ആർക്കും ഒരായതിനെ സ്വഹീഹാകാനോ , ദഈഫാക്കണോ അവകാശമില്ല .എന്നാൽ ഹദീസുകൾ അതുപോലല്ല . അത് സ്വീകരിക്കണമെങ്കിൽ  ചില നിയമങ്ങളൊക്കെ പാലിക്കേണ്ടതുണ്ട്‌ :

ഇമാം ശാഫി പറയുന്നു : ഒരു റിപ്പോർട്ട് പ്രമാണമായി സ്വീകരിക്കണമെങ്കിൽ അതിന് ചില ഗുണങ്ങളൊക്കെയുണ്ടായിരിക്കണം ; ഒരു ഹദീസ്  സഹിഹാകാൻ ആ ഹദീസിലെ നിവേദകന്മാരെല്ലാം  മത വിശ്വാസികളാവണം , പറയുന്ന കാര്യത്തിൽ സത്യാ സന്ധരാകണം , നിവേദനം ചെയ്യുന്ന കാര്യം വെക്തമായും മനസ്സിലക്കിയിടുണ്ടാകണം താൻ പറയുന്ന വാക്കുകൾ കൃത്യമായി അറിഞ്ഞിരിക്കണം അതിന്റെ വിവരണവും . ,താൻ യഥാർത്ഥത്തിൽ കേട്ട അതെ വാക്കുകൾ തന്നെ പറയണം  അല്ലാതെ ആശയം പറയരുത് .കാരണം തനിക്ക് മനസ്സിലായ ആശയം പറഞ്ഞാൽ  അത് ചിലപ്പോൾ ഹദീസിന്റെ യഥാർത്ഥ ആശയം വെക്തമാകുന്നതിൽ തടസ്സം ചെയ്യും . . ചിലപ്പോൾ അതുകാരണം ആശയം തന്നെ അട്ടിമറിക്കപെട്ടെകാം. ഹലാലും ഹറാമും തിരിച്ചറിയാത്ത വിധമായേക്കാം അതുകൊണ്ട് താൻ കേട്ട അതെ വാക്കുകൾ പറഞ്ഞാൽ  ആശയം മാറുമെന്ന ഭയമില്ലാതെയാകും . .നിവേദകൻമാർ ഓർമയിൽനിന്നുമാണ് ഹദീസ് ഉദ്ധരികുന്നത്തെങ്കിൽ താൻ ഉദ്ധരിക്കുന്ന ഹദീസിനെ പറ്റി നന്നായി അറിഞ്ഞിരിക്കണം . ഇനി ഗ്രന്ഥത്തിൽ നിന്നും ഉദ്ധരികുന്നത്തെങ്കിൽ തന്റെ ഗ്രന്ഥം സംരക്ഷിക്കുകയും  കൃത്യമായി ഹദീസുകൾ എഴുതി സൂക്ഷികുന്നവരായിരിക്കണം .... ,നിവേദകർ മുദല്ലിസ് ആകരുത്  അഥവാ താൻ നേരിട്ട് കണ്ടിടുള്ള നിവേദകനിൽ നിന്നും താൻ കേൾക്കാത്ത ഹദീസ്  അയാളിലേക് ചേര്ത് പറയുന്നവരാകരുത് .കൂടുതൽ പ്രബലരായ നിവേദകർ ഉദ്ധരിച്ചതിൽ നിന്നും തന്റെ നിവേദനം  എതിരാകാതിരിക്കണം.  അതേപോലെ തൻ കേട്ട നിവേദകരും അയാളെപ്പോലെ സത്യസന്ധരും മേൽ പറഞ ഗുണങ്ങളുള്ളവരുമായിട്ടുള്ളവരും ഇടക്ക് ചങ്ങല മുറിയാതെ നബി [സ ] വരെ എത്തുന്നതുമായിരിക്കണം .  അതുപോലെ , ഇത്തരം ഗുണങ്ങൾ ഉള്ള നിവേദകന്മാർ തുടരെ തുടരെ പരമ്പരമുറിയാതെ നബി [സ ] വരെ എത്തുകയും ചെയ്യണം .[രിസാല 320]

ഇമാം ഇബ്ൻ ഹജർ ;
1-സനദിലെ എല്ലാ നിവേദക രും ആദിൽ ആയിരികണം ;
സത്യസന്ധനും ,മഹാ പാപങ്ങളിൽ നിന്നും വിട്ടുനിക്കുന്നവനും.വിമര്ശന വിധേയനകതവനുംആകുക.
2-സനദിലെ എല്ലാ നിവേദകരും ഓർമ്മ ശക്തി ഉള്ളവരും സനദ് കൃത്യമായി ഓർമ്മയുള്ളവരും ആകണം ;
ഓർമ്മ ശക്തി ഉള്ള വനയിരിക്കണം എന്നാൽ അയാൾ ഹദീസ്  ഓർമ്മയുടെ അടിസ്ഥാനത്തിൽ  മാത്രം ഉദ്ധരി കുന്നവനെങ്കിൽ മന പ്പാട മാക്കി വെച്ചിടുണ്ടാകണം എന്നര്ഥം . അല്ലെങ്കിൽ അയാൾ കിത്താബിൽ എഴുതിവെക്കുന്നവനായിരിക്കണം . എന്നിട്ട് അതിൽ നിന്നും ഉദ്ധരിക്ക ണം.
3-സനദ് മുത്തസ്സിൽ  ആകണം  ;
അഥവ ഹദീസ് ഉദ്ധരി കുന്ന മുഹദ്ധിസ്  മുതൽ നബി [സ ] വരെ ഇടക്ക്  കണ്ണി മുറിയാത്തതായിരിക്കണം . റാവികൾ സനദ് കൃത്യമായി ഓർമ്മയുള്ളവരായിരിക്കണം . കണ്ണി മുറിഞ്ഞാൽ അത് ഹദീസിന്റെ സിഹ്ഹതിനെ [ആധികാരികതയെ ] ബാധിക്കും .
4-ഹദീസ് മുഅല്ലൽ ആകരുത്  ;
ഒളിഞ്ഞിരിക്കുന്ന ന്യൂനതിയിൽ നിന്നും സനദ് , മത് ന്  എന്നിവ  മുക്തമായിരിക്കണം
5-ഹദീസ് ശാധു ആകരുത് ;
കൂടുതൽ പ്രാമാണികരായ നിവേദകർ  ഉദ്ധരിച്ചതിൽ നിന്നും വിരുദ്ധമായി  ഉള്ള ഹദീസ്  ആകരുത്  എന്നർത്ഥം.
[നുഖ്ബത്തുൽ   ഫിക്കർ  ]

അപ്പോൾ വിവേകമുള്ളവർക്കൊക്കെ മനസ്സിലാകും ഖുർആൻ പോലെയല്ല ഇന്ന് ലഭ്യമായ ഹദീസ് എന്ന് . രണ്ടും ഒരേ സ്ഥാനമുള്ളവയല്ല .

" ( നബിയേ, ) പറയുക: ഈ ഖുര്‍ആന്‍ പോലൊന്ന്‌ കൊണ്ട്‌ വരുന്നതിന്നായി മനുഷ്യരും ജിന്നുകളും ഒന്നിച്ചുചേര്‍ന്നാലും തീര്‍ച്ചയായും അതുപോലൊന്ന്‌ അവര്‍ കൊണ്ട്‌ വരികയില്ല. അവരില്‍ ചിലര്‍ ചിലര്‍ക്ക്‌ പിന്തുണ നല്‍കുന്നതായാല്‍ പോലും.
[17/88]

എന്നാല്‍ അവര്‍ സത്യവാന്‍മാരാണെങ്കില്‍ ഇതു പോലുള്ള ഒരു വൃത്താന്തം അവര്‍ കൊണ്ടുവരട്ടെ. [52/34]

ഇതാകുന്നു ഗ്രന്ഥം. അതില്‍ സംശയമേയില്ല. സൂക്ഷ്മത പാലിക്കുന്നവര്‍ക്ക്‌ നേര്‍വഴി കാണിക്കുന്നതത്രെ അത്‌.[2/2]"

അല്ലാഹു സത്യം സത്യമായി മനസ്സിലാക്കാൻ തൗഫീഖ് നൽകട്ടെ എന്ന് പ്രാർത്ഥിക്കുന്നു .


ഷാഹിദ് മുവാറ്റുപുഴ